Hizlariak - Biscay ESG global summit 2018

Jesús Martínez

Ekonomia Zientzietan eta Enpresa Zientzien irakasgai osagarrietan lizentziatua (Euskal Herriko Unibertsitatea – EHU – Bilbo).
Finantzen Masterra (Deustuko Unibertsitate Komertziala – Bilbo).
Bere karreraren zati handi bat Iberdrola, S.A.n eta Iberduero, S.A.n garatu du, zenbait ardura-postu betez, hala nola Finantziazio eta Diruzaintza zuzendaria –orain betetzen duen postua-, Zorra Kudeatzeko eta Administratzeko Sailaren burua, eta Banka-kudeaketaren arduraduna. Hori baino lehen, Buru Komertzial gisa aritu zen Banco Atlánticoan, eta Belgicasten Administrazio Sailaren arduraduna ere izan zen.
Iberdrolako Pentsio Plana Kontrolatzeko Batzordearen kidea.
Iberdrola Ingeniería y Construcción-en kontseilaria.
Espainiako Arriskuen Kudeaketa Klubaren kide sortzailea.
Sarritan aritzen da txostengile gisa Ekonomisten Euskal Elkargoaren, UNESAren eta beste erakunde batzuen konferentzia eta mintegietan.
Finantza-argitalpenen kolaboratzailea da, artikulu espezializatuekin.

Jose Ignacio Goirigolzarri

Bilbon jaio zen 1954an. Ezkonduta dago eta bi seme ditu. Ekonomia eta Enpresa Zientzietan lizentziatua da Deustuko Unibertsitate Komertzialetik. Finantzak eta Plangintza Estrategikoa Leedseko Unibertsitatetik (U.K.). Deustuko Unibertsitate Komertzialeko irakaslea, Plangintza Estrategikoaren Sailean (1977-1979).

Ibilbide profesionala: 1977an Banco de Bilbaon sartu zen, Plangintza Estrategikoaren Sailean. 1992an BBVko Zuzendari Nagusi izendatu zuten, eta 1994an haren Zuzendaritza Batzordean sartu zen. Bertan, Espainiako Banka Komertzialaren eta Latinoamerikako operazioen arduraduna izan zen. 2001ko apirilean, BBVA Taldearen Zuzendari Nagusi izendatu zuten, Txikizkako Bankaz maila Globalean arduratzeko. Urte bereko abenduan, BBVA Taldearen Kontseilari Ordezkari izendatu zuten, eta kargu horretan 2009ko urrira arte egon zen. 2012 maiatzaz geroztik, Bankiako eta BFAko Presidentea da.

Bere bizitza profesional luzean, Telefónicako Kontseilari eta Presidenteordea izan da, Repsoleko Presidenteordea, España-USA Fundazioaren Presidentea, BBVA Bancomer-en Kontseilaria Mexikon eta Citic Bankena Txinan.

Gaur egun, Bankia eta BFAko Presidentea da, CECAko Presidenteordea, Garum Fundatioko Presidentea, Deusto Business Schooleko Presidenteordea eta Franklin Institutuaren Aholkularitza Batzordeko Presidentea.

Fernando Acebrón

Fernando Acebron Espainiako Fordeko Gobernu-gaien Zuzendaria da, enpresa horren Batzorde Exekutiboko kidea 2015az geroztik, eta Zuzendaritza Batzordeko kidea 2017az geroztik; instituzio- eta gobernu-harremanak Espainian zuzentzeaz arduratzen da, enpresaren jarduera industrial eta komertzialei lotuta.

Lehenago, ANFACen industria- eta merkatu-zuzendaria izan zen (Automobil eta Kamioien Fabrikatzaileen Espainiar Elkartea). 1999an ANFACen sartu zen,eta 2007an zuzendari tekniko izendatu zuten.

AENORen Batzorde Exekutiboko kidea izan da (Espainiako Normalizazio eta Ziurtapen Elkartea), eta 2014ko ekainean beraren presidenteorde izendatu zuten; halaber, SIGRAUTOren presidenteordea ere bada (Erabilerarik Gabeko Ibilgailuen Ingurumen Tratamendurako Espainiar Elkartea).

Gaur egun, ASEPren Kontseiluko Kidea da (Automobilgintzako Profesionalen Espainiar Elkartea).

Master-programen irakaslea da Madrilgo Unibertsitate Politeknikoan, eta Ingeniaritza Mekaniko Sailaren irakasle elkartu gisa aritzen da Madrilgo Carlos III Unibertsitateko Eskola Politeknikoan.

Ingeniari industriala da, eta Automobilgintza eta Enpresa Ingeniaritzako master bat du.

Jean-Luc di Paola-Galloni

Taldeko jasangarritasun-estrategia koordinatzea eta abiatzea; zuzendaritza-batzordeak auditatua.

Autoen jatorrizko bezero fabrikatzaileei (OEM) eta inplikatutako kanpo-alderdiei begira.
Finantzen eremua: Erregistro-dokumentua, ISR inbertitzaileak eta jasangarritasunerako komunikazio-kanpainak (roadshow).
Politika industrial jasangarriaren koordinazioa: hornitzaileak / arriskua eta ingurumena / ekodiseinuaren alorreko I+G.
Gizarte-ekintzen koordinazioa (barnean eta kanpoan)

Jasangarritasunaren barne- eta kanpo-dimentsioa (Global Compact, UNECE, UNIDO, GRI; eta barnean: gizarte-formakuntza, INSEAD CEDEPeko prestakuntza potentzial handiko lankideentzat).
Taldea batez bestekoaren azpiko maila batetik kategoria gorenera igotzea lortu zuen (DSJI Dow Jones Jasangarritasun Indizea: 1. Postua automobilgintza sektorearen munduko konkurrentziako 40 kideren baino gehiagoren arten, finantzaz kanpoko kalifikazioen arabera): Valeo munduko 3. Korporazio jasangarriena deklaratu zuten (Davos, 2018).

Alderdi anitzeko eta gobernu arloko gaien arduraduna da 30 herrialdetan baino gehiagotan, taldearekin zerikusia duten erakunde multilateral eta operatiboekin (harremanak EBrekin, Europako Inbertsioen Bankuarekin, Munduko Bankuarekin, ELGArekin). Taldeko zuzendaritza nazionalen gai publikoen koordinazioa, operatzen duen herrialde / eskualde bakoitzean. Negoziazioa ministerio mailarekin / gobernuaren arduradunarekin.

Finantza-ardura Frantziako automobilgintzaren funts estrategiko estatalaren hornidura-katean. Frantziako Hornitzaileen Modernizazio Funtsaren aukeraketa- eta inbertsio-batzordeen kidea (2. Maila), Banque Publique d’Investissementen partea –BPI-).

Zeharkako elkarte publiko-pribatuen ikerketa-proiektu ugariren finantziazio publikoa ( gastu gordinen % 11 baino gehiago I+G arlorako), formakuntzak, inbertsioak.

Ralf Pfitzner

2018ko urtarrilaz geroztik, Ralf Pfitznerrek Volkswagen AGko jasangarritasun saila zuzendu du. Bere arduren artean, azpimarratzekoa da jasangarritasunaren gobernantza globala Volkswagen Taldean eta beraren marketan. Bere zereginaren arlo nagusiak dira jasangarritasun-jarduerak estuago lotzea Volkswagenen negozio zentralarekin eta klima-aldaketa moteltzera zuzendutako ekimen bat. Bere arduren artean, honako hauek daude: jasangarritasuna “Together Strategy 2025” estrategian integratzea (Volkswagenen estrategia bateratua 2025erako); jasangarritasun-ekimenak konfiguratzea eta inplementatzea; jasangarritasun-txostenak; inplikatutako alderdien konpromisoa; sailkapenak eta kalifikazioak; eta Volkswagenen Hiritartasun Korporatiboaren estrategia.

2014 eta 2017 bitartean, Ralf Pfitzner Siemens AGko Estrategia Korporatibo – Jasangarritasun – Baliabideen Eraginkortasun eta Energiaren presidenteordea izan zen. Bertan, deskarbonizazioarekin eta klima-aldaketarekin lotutako gaiez arduratu zen. “CO2-neutral Siemens” programa zuzendu zuen, hau da, CO2 neutralizatzeko programa bat, helburutzat duena CO2 neutralizatuko operazioak egitea 2030rako. Halaber, Siemensen ingurumen-zorroaz arduratu zen. Eraginkortasun energetiko handiko produktu eta irtenbidez eta energia berriztagarriz osatua, zorro horrek 39.000 milioi €-ko sarrerak lortu zituen 2017ko urte fiskalean, eta 570 milioi tona metriko CO2 aurrezten lagundu zien Siemenseko bezeroei, hau da, Alemaniako urteko CO2 emisioen erdia baino gehiago. Postu horren aurretik, Jasangarritasun-kotizazioez arduratu zen, hala nola Dow Jonesen Jasangarritasun Indizearenaz; indize horrek egindako ebaluazioaren arabera, Siemens 2014ko enpresa industrial jasangarriena izan zen (“Talde Industrial Liderra”). Hori baino lehen, Ralf Pfitznerrek Siemens AGko produktuarekin lotutako Ingurumen-babesen saila zuzendu zuen.

Siemensera 2004an sartu baino lehen, Ralf Pfitzner KPMGko Jasangarritasun-zerbitzuen zuzendari exekutiboa izan zen. 1995 eta 1999 bitartean, Berlingo Etorkizuneko Ikasketen eta Teknologiaren Ebaluazioaren Institutuko proiektu-burua izan zen.

Ralf Pfitzner Ingurumen Ingeniaritza eta Teknologietan lizentziatua da (Berlingo Unibertsitate Teknikoa), eta Ingurumen Zientziak ikasi zituen Eidgenössische Technische Hochschule Zürich eskola teknikoan (Suitzako Unibertsitate Tekniko Federala). Halaber, 2012an arrakastaz bete zuen Harvard Business Schooleko Kudeaketa Programa Orokorra (GMP, General Management Program).

Paolo Bersani

Paolo PwCko bazkide italiarra da. Bertan, Italiako Errendimendu-bermearen jarduerak zuzentzen ditu. 2006az geroztik, Jasangarritasun eta Klima Aldaketa taldearen arduraduna da. Euren komunikazio korporatibotik espero duten balioaren giltza eskuratzen laguntzen diete enpresei, gardentasuna eta inplikatutako alderdien konfiantza areagotuz eta haien ospea eta marka indartuz. Paolok esperientzia zabala du Txosten ez-finantzarioen alorrean (IIRC, GRI, AA1000APS, GBS, eta abar.) Eta PwC Italia ordezkatzen du IIRC enpresa-sarean, IIRCren programa pilotuan parte hartu ondoren. Rol aktiboa jokatzen du komunitate profesionalean, gai hauetan Italian gehien aritzen diren ikerketa-talde, -batzorde eta –elkarte nagusietan parte hartuz.

• Enpresarekin 2006az geroztik
• Errendimendu-bermearen burua
• Jasangarritasun eta Klima Aldaketaren alorreko burua
• 1998az geroztik, informazio eta errendimendu ez-finantzarioen txostenak aurkezteko printzipio, eredu eta sistemekin lan egiten du, eta baita Txosten Korporatiboen eboluzioarekin ere.
• Inpaktu-ereduak
• Inplikatutako alderdien konpromisoa
• Jasangarritasun Estrategia
• (Txosten integratuak) eta Pentsaera integratua
• Arriskuaren kudeaketa (ERM edo Ingurumen Baliabideen Kudeaketaren esparruaren diseinua eta inplementazioa)
• Barne Auditoriako Zerbitzuak
• Enpresak kudeatzeko arauak edota politikak / sistemak betetzea, arriskuak kontrolatzeko.
• 1996az geroztik, kontulari publikoa eta Auditore egiaztatuta
• 2001az geroztik, Italiako 2001eko 231. Legegintza Dekretuaren jarraibideak ezartzen dituen Cofindustria Batzordearen kidea da
• 2006az geroztik: NFI edo Informazio ez-finantzarioari buruzko ASSIREVI Ikerketa Taldearen partaidea.
• 2006 eta 2010 bitartean, GBSren Gobernu Kontseiluaren kidea izan zen (txosten sozialerako azterketa-taldea)
• 2010az geroztik: Turingo CDAF-ANDAF administrazio-kontseiluaren kidea.
• 2010ko urria: ANDAFekin batera, Txosten Integratuei buruzko lehenengo italiar konferentziaren antolatzailea (Bologna)
• 2012 eta 2014 bitartean, Italiako IIRC enpresa taldearen partaidea izan zen (Txosten Integratu Pilotuen Nazioarteko Kontseilua)
• 2014az geroztik, IIRC Italiako Enpresa Sarearen partaidea da
• 2014 urteaz geroztik, GBSren Batzorde Zientifikoaren kidea da (Gruppo di Studio sul Bilancio sociale)
• 2015 urteaz geroztik, taldearen partaidea da (IR laborategia)

Anne Catherine

Europako finantza jasangarrietan espezializatuta dago, eta, ildo horretatik, bereziki konprometituta dago jardunbide onenak Europan sustatzearekin. Novethic.fr-en garapena 2001ean editore nagusi gisa gidatu ondoren, zuzendari exekutibo izendatu zuten 2006an, Novethiren eragin positiboak bultzatzeko eta finantza-instituzio, enpresa eta herritar konprometituen eraldaketa jasangarria azkartzeko. 2017an, EBko Finantziazio Jasangarriari buruzko Goi Mailako Adituen Taldean sartu zen (HLEG) -talde horren amaierako txostena gida eta inspiraziotzat hartu da Europako Batzordearen Ekintza Planerako-. Europar ekonomia inklusibo eta hipokarbonikoaren alde erabat konprometituta egonda, Anne-Catherine zenbait erakunderen eragile nekaezina da, eta, hala, hitzaldiak ematen ditu sarritan nazioarteko konferentzietan eta sare sozialetan. Biziki aktiboa da hainbat ekimenetan, hala nola Finance for Tomorrow edo MENEn (ekonomia berriaren aldeko mugimendu korporatiboa).

Helena Viñes-Fiestas

Helena Viñesek Jasangarritasun Zentroa zuzentzen du, hau da, BNPP AMren inbertsioen jasangarritasun-aztarna gainbegiratzen eta hobetzen saiatzen den azterketa-taldea; bere zereginen artean, funtsaren inbertsio- eta titulartasun-politikak ere sartzen dira. BNPP AMren ikerketa, azterketa eta politika zuzentzen ditu. Halaber, BNP Paribasen inbertsio-adarra ordezkatzen du zenbait sare eta ekimenetan, hala nola Inbertsio Arduratsuaren Printzipioetan. Klima Aldaketari buruzko Inbertitzaile Instituzionalen Taldearen batzordeko partaidea da, eta klimari buruzko dibulgazioen lantaldearen presidentekidea ere bai. Halaber, Sustainable Stock Exchanges Green Finance Advisory Groupen partaidea da (burtsa-parke jasangarrien finantza berdeen aholkulari-taldea), eta baita ESGari buruzko EFAMA taldekoa eta Londresko Burtsak gidatzen duen Transition Pathway Initiativearen aholkularitza-talde teknikoarena ere. Hori baino lehen, Oxfamen lan egin zuen, eta bertan pobrezia murriztera zuzendutako inbertsio eta konpromiso arduratsuei buruzko laguntza-talde bat gidatu zuen, inbertitzaile instituzionalekin. Dokumentu eta artikulu ugariren eta liburu baten egilea da.

Sara Lovisolo

Sara London Stock Exchange Groupen jasangarritasun eta estrategia zuzendaritzaren arduraduna da, eta politiken azterketan dago espezializatuta. Nazio Batuen Erakundearen sostengua duen Burtsa Jasangarriak izeneko ekimenaren aholkularitza-taldearen kide aktiboa da, eta baita Londres hiriko Finantza Berdeak ekimenarena ere. Halaber, Finantza Zentro Jasangarria –gobernuaren laguntzarekin- konfiguratzeko lana agindu zaion lantaldearen presidentekidea da. Ekonomia master bat du, eta fiskalizazioak kapitalaren kostuan duen inpaktuari buruzko argitalpen multzo baten egileetako bat da.

Jordi Albareda Ureta

2015ean Bilbon sortu zenez geroztik, Fair Saturday Fundazioa lanean ari da lurralde garatuagoak eta inklusiboagoak kulturaren bitartez sustatzeko. Horren emaitza Fair Saturday mugimenduaren sorrera da. Black Fridayaren biharamunean, mundu osoko erakunde kultural ugari jaialdi parte-hartzaile batean elkartzen dira, inpaktu sozial eta kulturala sortzeko xedez. Hiru egunez, Fair Saturday mugimendua mundu osoko 100 hiritan baino gehiagotan agertzen da, nazioarte mailan. Fair Saturday Fundazioak “Barrera ikusezinak” proiektua abiatu du orain dela gutxi; programa kultural berritzaile bat da, bazterketa-arriskuan dauden inguruneetako haurrei zuzendua.

Jordik Enpresen Administrazio eta Zuzendaritzako unibertsitate-gradu bat du, Deusto Business Schooletik. Bere karrera profesionala McKinsey&Co konpainian hasi zuen, eta horren ostean zenbait zuzendaritza-postu bete zituen multinazional batzuetan. Deusto Business Schooleko irakaslea da, eta zuzendaritza “enpresaren barnean” garatzeko programetan kolaboratzen du. Ekintzailea eta hainbat enpresa-proiekturen aholkularia. Modu pertsonalean dago inplikatuta proiektu kultural eta sozial batzuetan. Bilboko Koral Elkartearen eta RAIS Fundazioaren presidenteordea. Bilboko Iralabarriko San Antonio koruaren sortzailea.

Ekintzailetza eta berrikuntza sozialaren alorrean garatu duen karrerari esker, zenbait sariren aitortza jaso du, hala nola “Novia Salcedo Saria 2016”. 2018an, berriz, German Marshall Funden “kide” izendatu dute.

Arjan de Draaijer

Arjan KPMGko bazkidea da eta 20 urteko esperientzia du aholkularitza eta kudeaketa-bermearen alorrean. KPMGren True Valuerako arduradun orokorra da, eta KPMGren Holandako Jasangarritasun Zerbitzuen atal praktikoaren bazkide gerentea. Arjanek Ingeniaritza Kimiko eta Enpresen Administrazio masterrak ditu. Beraren esperientziaren funtsezko arloak dira sozietateen sorrera eta haien inpaktuaren balorazioa. Arjanek arlo hauetan lan egin du bezeroekin:

– Balioa sortzeko eta arriskuak kudeatzeko estrategien garapena, ingurumen- eta gizarte-megajoerez gero eta neurri handiagoan konfiguratuta dagoen mundu honetan. Produktu kimikoen, produktu farmazeutikoen, telekomunikazioen, beste produktu industrial batzuen eta finantzen sektoreetako bezeroekin lan egin du, gizarte- eta ingurumen-inpaktua KPMGren True Value metodologiarekin baloratuz; horrekin batera, gizarte- eta enpresa-balioa hobetzeko eta arriskuak murrizteko estrategiak garatu ditu.

– Errendimenduaren hobekuntza, helburuak, helmugak eta errendimenduaren funtsezko adierazleak (KPI) garatuz, eta baita kudeaketa-sistemak ere, enpresako balio-sorrera eta arriskuen murrizketa operazio komertzialetan eta balio-katean integratzeko.

– Txostenak eta segurtasuna: txosten integratuen eta jasangarritasun-txostenen garapen eta bermea. Antolaketa administratiboaren eta barne-kontrolen konfigurazioa, txosten fidagarri eta gardenak eskaintzeko (inpaktua) eta errendimenduaren hobekuntza ahalbidetzeko.

Arantxa Tapia Otaegi

Astigarraga 1963
Ekonomiaren Garapen eta Lehiakortasuneko sailburua, 2012ko abendutik aurrera

IKASKETAK
– Industria-ingeniaria, Elektrizitatean espezializatua. 1987
– Cum Laude Doktorea, Nafarroako Unibertsitatean. 1992

KARRERA PROFESIONALA
– Nafarroako Ingeniaritza Eskolako irakaslea (1987-1992)
– UPV-EHU Unibertsitate Eskolan katedraduna (1995-2005)
– Eusko Jaurlaritzako Garraio eta Herri Lan sailburuordea (2005- 2007)
– Gipuzkoako Foru Aldundiko Mugikortasun eta Lurraldearen Antolamendu arloko Foru diputatua (2007-2011)
– Gipuzkoako Batzar Nagusietan Berrikuntza Batzordeko presidentea
– EAJ-PNVren diputatua Kongresuan (2011-2012)
Diputatuen Kongresuan EAJ-PNVren bozeramalea ondorengo batzordeetan: Ekonomia eta Lehiakortasun, Sustapen, Defentsa, Hezkuntza eta Kirola, Nekazaritza, Elikadura eta Ingurumena

Unai Rementeria

Jaioteguna: 1973ko abuztuaren 10a

Prestakuntza akademikoa: Zuzenbidean lizentziaduna eta Ekonomia Zientzietan diplomaduna da Deustuko Unibertsitatetik eta Administrazio eta Hirigintza Zuzenbidean diplomaduna.

Bizkaiko abokatuen elkargoko Praktika Juridikoko Master bat du, beste bat Hirigintza Zuzenbidekoa HAEEn, eta kontabilitate publiko eta pribatuko ezagutzak ditu.

Ibilbide profesionala: ibilbide profesionala 1999an hasi zuen, Nabarnizko Udaletxeko idazkari kontu-hartzaile.

Enpresa pribatuan esperientzia du. Sanz & Saiz Abogados bulegoan administrazio zuzenbideko legelari jardun zen (1999-2002) eta gero Ibarrondo & Lamikiz bulegoan ere administrazio zuzenbideko abokatu espezialista (2002-2007). 1999 eta 2007 artean hainbat udali aholku eman zien hirigintza, ingurumen eta administrazio-zuzenbide arloetan. 2007tik 2008ra Euskal Trenbide Sarea (ETS) enpresa publikoaren sail juridikoko legelaria izan zen eta 2008an Bizkailur, gaur egun Azpiegiturak, sozietate publikokoa.

Hirigintza zinegotzia eta alkateordea izan zen Mundakan 1999tik 2007ra eta alkatetza hartu zuen 2007tik 2013 arte. EUDEL euskal udalen elkartearen lurralde biltzarkidea ere izan zen (2007-2010). 2009an Eusko Legebiltzarrean sartu zen legebiltzarkide EAJren izenean 2011 arte. Udal hauteskundeetan eta Batzar Nagusietako hauteskundeetan batzarkide aukeratu zuten eta EAJ taldearen eledun izendatu zuten Bizkaiko Batzar Nagusietan.

2013ko urtarriletik 2015eko uztailaren 1era arte, Presidentziako diputatua eta Bizkaiko Foru aldundiaren eleduna izan zen.

Bestelako karguak: Bizkaiko Garraio Partzuergoaren Kontseilu Orokorreko eta haren batzorde eragileko presidentea eta MetroBilbaoko presidentea.

Pascal Baranger

Pascal Baranger 1997an sartu zen PricewaterhouseCoopersen taldean, aholkularitza- eta ingeniaritza-enpresa batzuetako ingurumen-sailen administratzaile-lanak egin ondoren. Halaber, ingeniari gisa aritu da ANREDentzat –orain ADEME-, hau da, Frantziako Ingurumen Agentziarentzat.

PricewaterhouseCoopersekin, Pascalek auditoria, aholkularitza eta prestakuntzako zereginetan aritzen da, jasangarritasunaren eremuan. Frantziako EGE txostenak berrikusteaz arduratzen da, eta frantziar taldearen txosten ugariren berrikuspenak zuzentzen ditu.

Orobat, aholkularitza eta prestakuntzako ekintza ugari gauzatzen ditu, batez ere EGEaren alorrean, ingurumen-kudeaketan eta ISO 14001 arauaren inguruan.

2006az geroztik, ISO 26000 lantzen ari den AFNORen lantaldean parte hartzen du. EGE txostenak prestatzera zuzendutako lantalde bat kudeatzen du.

Filippo Bettini

Filippo Bettini jasangarritasun eta arriskuaren gobernantzaren arduradun nagusiaren eginkizunak betetzen ditu Pirellin.

Ingeniaritza Biomekanikoan lizentziatua da Milango Politeknikotik, eta Enpresen Administrazioaren master bat egin du Milango Bocconi Unibertsitatean. Filippo 2008an sartu zen Pirelliren taldean, Taldearen bigarren mailako jarduera batzuk kudeatzeko; aldi berean, modu aktiboan kooperatu zuen enpresaren bezero-zorroaren berregituraketan. Bere oraingo kargua 2010an hartu zuen. 2001 urtetik 2008 urtera bitartean, Telecom Italia Taldearentzat lan egin zuen; bere eginkizunak betetzean, berrikuntzaren kudeaketan zeukan ardura haziz joan zen, harik eta estrategiaren arduradun nagusi izendatu zuten arte. 1985 eta 2011 bitartean, sektore biomediko eta bioteknologikoan lan egin zuen, bai konpainia multinazionaletan eta bai ikerketa akademikoko zentroetan.

Filippo Europako CSR Kontseiluaren kidea da, eta Pirelli ordezkatzen du Nazio Batuen Erakundearen Global Compact Leaden eta Garapen Jasangarrirako Munduko Enpresa Kontseiluan ; mugikortasun jasangarriko programak koordinatzen dituzten lantalde ugaritan parte hartzen du.

Mª Luz Castilla Porquet

Mª Luz Kimikan lizentziatua da eta PDD bat du IESEtik; gainera, Marketin eta Ingurumen Zientzien ikasketak egin ditu Londresko Unibertsitateko Wye Collegen. Espainiako PwCren jasangarritasun arloko lurralde-buru gisa, modu aktiboan parte hartzen du interes handiko eztabaida-foro ugaritan, bai nazio barnean eta bai nazioartean.

Mª Luz Hazkunde Berderako Espainiar Taldearen partaidea da; enpresa-talde honek, gobernuaren eskutik, karbono-emisio txikiko ekonomiarako bidean dauden negozio-aukerak sustatu nahi ditu.

AECAko Enpresaren Gizarte Erantzukizunaren Batzorde Iraunkorreko kidea da, eta baita Kataluniako Kudeatzaile Administratiboen Elkargo Ofizialekoa ere; halaber, Bartzelona Hiriko Ingurumen eta Jasangarritasunaren Udal Kontseiluan parte hartzen du.

Jasangarritasunari eta klima-aldaketari buruzko zenbait argitalpen zuzendu ditu, eta beraren bezeroak dira burtsan kotizatzen duten enpresak, multinazionalak, ETEak , instituzioak eta erakunde publikoak.

Alberto Postigo

Alberto Postigo 2002an sartu zen Moody’s Inverstors Serviceren taldean. Gaur egun, bere jardueren gunea Madril da, bertan espainiar banku batzuen analista buru gisa aritzen baita. Financial Institutions Group (finantza-instituzioen taldea) erakundean sartu baino lehen, Alberto Postigok sei urtez lan egin zuen finantza egituratuen taldean, batez ere BTA transakzioen azterketa eta kalifikazioan.

Moody’sen taldean sartu baino lehen, Alberto Postigok Lucent Technologies enpresarentzat lan egin zuen, aholkulari buru gisa, sareko kommutazio eta lankidetza taldearen baitan. Postigo Valladolideko Unibertsitatean graduatutako telekomunikazio ingeniaria da. Halaber, Ekonomia eta Enpresen Administrazioan graduatu zen Madrilgo Unibertsitate Autonomoan.

Xi Li

Xi Li doktorea London School of Economicsen Kontabilitate irakasle elkartua da gaur egun. LSEko taldean 2016an sartu baino lehen, Templeko Unibertsitateko Richard J. Fox Negozio eta Enpresa Zuzendaritza Eskolan lan egin du, eta baita Pensilvaniako Unibertsitateko Wharton Schoolen ere. Kontabilitateko doktoretza egin zuen Londresko Negozio Eskolan. Li doktorea finantzei, enpresaren gizarte erantzukizunari (CSR), akziodunen aktibismoari eta zor-kontratazioari buruzko txostenen aurkezpen eta dibulgazioa lantzen ari da, nazioarteko kapital-merkatuak azpimarratuz. Haren azterlanak kontabilitate eta finantzen alorreko goi mailako aldizkari akademikotan argitaratu izan dira, eta beraren ikerketa-artikuluek zenbait sari irabazi dituzte, hala nola International Centre for Pension Management (ICPM) erakundearen ikerketa-saria, sozialki arduratsua den inbertsioaren Moskowitz saria, eta argitaratutako ikerketa-artikulu onena aitortzen duen FIR-PRI saria. Beraren ikerketen emaitzak zenbait hedabide sozialetan aipatu dira, hala nola Harvardeko Zuzenbide Eskolaren gobernantza korporatiboari eta erregulazio finantzarioari buruzko Foroan, Financial Times, Wall Street Journal, Pension & Investments eta beste batzuetan. Li doktorearen oraingo ikerketa-proiektuek aztergai dituzte ingurumen, gizarte eta gobernantzaren (ESG) alorreko alderdiei buruz akziodunek nazioartean eta modu koordinatuan hartzen dituzten konpromisoak.

Mark Lewis

Mark Lewis Carbon Tracker Initiativeko zuzendari gerentea eta ikerketa-arduraduna da. Lehenago, Barclaysen Europako zerbitzu osagarrien zuzendari gerentea eta ikerketa-arduraduna izan zen (2015-2018), eta, halaber, Kepler Cheuvreuxen energia saileko ekonomialari nagusia (2014-15) eta Deutsche Bankeko Energiari buruzko Ikerketa sailaren zuzendari gerentea eta arduradun orokorra; bertan 14 urtez lan egin zuen, 2013ra arte. Azken 15 urteetan, Mark Lewisen ikerketaren ardatza energiaren eta klima-aldaketaren arteko elkarreragina izan da. Elektrizitate, gas eta karbonoari buruz egindako lana Energy Risk aldizkariaren inkesten lehen postuan egon da 2011, 2010, 2009 eta 2008 urteetan, eta Parisko Klima Aldaketari buruzko Akordioaren inguruan idatzi zuen txostena finalista izan zen Londres Hiriko Etorkizun Ikuspegiaren Sarian, 2015/16ko edizioan, epe luzera egindako finantza-ikerketagatik.

Salmenten eremuko analista finantzario gisa duen esperientziaz gain, Mark E.ONen inbertitzaileekiko harremanen arduradunordea izan zen urtebtez, Energiwenderen hasieran, eta bi urtez kredituen analista gisa aritu zen Standard & Poor’sen (1997-99), Europako zerbitzu osagarrien sektorea jorratuz. Guztira, Markek 20 urtetiko gorako esperientzia metatu du energia eta ingurumenaren merkatu globalen analista finantzario gisa, eta 2016ko maiatzaz geroztik klimarekin lotutako dibulgazio finantzarioen lantaldeko partaidea da Financial Stability Boarden.

Mark britainiar eta frantziar hiritarra da, eta Hizkuntza modernoetan (ohorezko matrikularekin) eta Ekonomian lizentziatua da Sheffieldeko Unibertsitatetik; gainera, doktorego aurreko master bat du Cambridgeko Unibertsitatetik eta beste master bat Londresko Unibertsitatetik.

Luisina Berberian

Luisina Berberian azpiegituren finantza-kalifikazioen taldeko zuzendari elkartua da Madrilen kokatutako S&P Global Ratings enpresarentzat; bertan, funtsezko ardurak ditu proiektuen finantza-transferentzien zorroan.

Luisinak bost urteko esperientzia du S&P Global-en, Azpiegituren Finantza-kalifikazioan; talde analitiko honek zerbitzu osagarriak eskaini eta proiektuak, LPPak eta garraioak finantzatzen ditu Europa, Erdialdeko Ekialdean eta Afrikan. 2012ko urrian sartu zen Londresko Standad & Poor’sen, eta Buenos Airesko bulegoan ere lan egin du, bi urtez, Latinoamerikarako zerbitzu osagarri eta azpiegituren Taldearen baitan. Luisinaren esperientziak barne hartzen ditu Europako gizarte-sektoreak, energia berriztagarriak eta garraio-azpiegiturak.

Luisina Enpresen Administrazioan diplomatua da Argentinako Unibertsitate Katolikotik.

Ladislas Smia

Ladislas Smia Mirovako Inbertsio Arduratsuren Ikerketa saileko zuzendarikidea da, Natixis Asset Managementeko Inbertsio Arduratsuaren atalean.

Bere karrera PwCn hasi zuen, garapen jasangarriaren alorreko aholkulari gisa, eta hiru urtez aritu zen bertan. 2010ean, Natixis Asset Management sozietatean sartu zen, SRI analista gisa, eta Energiaren eta Informazio eta Komunikazio Teknologien eremuko inbertsioetan espezializatu zen.

Ladislas Smia “Les Mines de Nancy” ingeniaritza-eskolan graduatu zen. Halaber, Parisko HEC negozio-eskolan ere graduatu zen, eta Garapen Jasangarriko master bat egin du.

Carlota García-Mañas

Elizaren Ordezkarien eta Pentsio Batzordearen Konpromiso Sailaren Zuzendarikidea da gaur egun. Carlotak karrera luzea egin du etikari, jasangarritasunari eta ESGri buruzko azterketak egiten. SRI industrian (sozialki arduratsua den inbertsioa), EIRISentzako (orain VigeoEIRIS) analista gisa hasi zuen bere karrera, hots, ikerketa eta analisi etikoen eremuko erakunde aurrendari batean. “2015ean EIRIS utzi zuen, haren Ikerketa Buru Nagusia zelarik. Carlotak lotura luzea du inbertitzaile erlijiosoekin. Adibidez, EIRISko ikerketa-buru gisa, Ingalaterrako Elizarentzat lan egin zuen hainbat urtez, eta beraren etikari buruzko politika batzuk itxuratzen lagundu zuen, hala nola Interes Tasa Handiko Maileguen politika. Zeregin horretan, gainera, zerbitzuak eratu zituen eta lana gainbegiratu zuen beste inbertitzaile erlijioso batzuentzat, hala nola Eliza Metodistarentzat.

Gaur egun, Carlota Gobernantza Korporatiboaren ICSA Goi Ziurtagiria lortzeko ikasketak amaitzen ari da, eta prestakuntza akademikoa du Ingeniaritza Zibilean eta Ingurumen- Ekonomian.

Carmen Nuzzo

PRIko Aholkulari Seniorra, Kredituen Kalifikaziorako Ekimena.

Carmen Inbertsio Arduratsurako Printzipioak (PRI) ekimenaren aholkulari seniorra da, eta Kredituen Kalifikaziorako Ekimenaren ESGak gidatzen ditu bertan. Rockefeller Fundazioak finantzatzen duen proiektu honen helburua da ESG faktoreen kontsiderazio garden eta sistematikoa bultzatzea kreditu-arriskuei buruzko azterketetan, bai inbertitzaileen aldetik eta bai kredituen kalifikazio-agentzien aldetik.

Carmenek 16 urtetik gorako esperientzia du ekonomia- eta merkatu-azterketetan, makroekonomista gisa. Bere karrera Salomon Brothers-en hasi zuen, eta horren ostean Citigroup eta Morgan Stanleyrentzat lan egin zuen, irabazi-asmorik gabeko sektorean ere tarteka arituz, ShareAction erakundea barne sartuta. 2014az geroztik, bere ikerketaren ardatza Ekonomia Jasangarria izan da; hala, ingurumen- eta gizarte-gaiei buruzko txosten tematiko sakonak argitaratu izan ditu: osasuna, desberdintasuna, genero-dibertsitatea, klima-aldaketa eta elkarlaneko ekonomia, besteak beste.

Pribatutasun politika

Datuak babesteari buruz indarrean dagoen araudiarekin bat etorriz, jakinarazten dizugu zure datuak Bizkaiko Foru Aldundiaren Komunikazio Zuzendaritza Nagusiak tratatuko dituela BFAWE001-Herritarrentzako Arreta Fitxategian, ekitaldirako egiten duzun izen-ematea kudeatzeko eta zuri informazioa helarazteko, bai hurrengo edizioetako edukiari buruzkoa eta bai Udako Ikastaro honi buruzkoa: “Environmental, Social and Governance Investment and Finance”.

Formularioa betetzean, baimena ematen duzu zure datuak lehen aipatutako helbururako tratatzeko, eta baita zure datuak FINECO (Fineco S.V, S.A, G.I.I.C. Fineco S.G.I.I.C, S.A.U., Fineco Previsión Gestora de Fondos de Pensiones S.A.U., eta Fineco Patrimonios S.G.I.I.C, S.A.U. eta Deustuko Unibertsitateari emateko ere, batzarrerako izen-emateak kudeatzeko helburu hutsarekin, eta baita zuri informazioa helarazteko hurrengo edizioetako edukiari buruz eta Udako Ikastaro honi buruz: “Environmental, Social and Governance Investment and Finance”.

Datuak ikusteko, zuzentzeko, ezeztatzeko eta haien tratamenduaren aurka agertzeko dituzun eskubideak erabili ahal izango dituzu, Bizkaiko Foru Aldundiaren herritarrentzako arretarako bulegoetara idatziz; idazkiarekin batera, zure NANaren edo identifikazio-agiri baliokide baten kopia bidali beharko duzu.

Legezko oharra

Legezko ohar honen bitartez, Biscay ESG Global Summit-ek URL honetan jendearen eskura jartzen duen webgunearen Erabilera Baldintza Orokorrak arautzen dira.

Erabiltzailea webguneko edukiaz eta/edo zerbitzuez baliatzeak ondorengo Erabilera Baldintza Orokorrak eta Datu Pertsonalak Babesteko Politika espres onartzen dituela esan nahi du.

Webgunea erabiltzeko baldintzak

Biscay ESG Global Summit-ek berarentzat gordetzen du webgune honetako edukia, ezarpenak eta aurkezpena aurretiaz abisatu gabe aldatzeko eskubidea.

Webgune honek kanpoko orrialdeetara eramaten duten estekak izan ditzake, baina Biscay ESG Global Summit ez da orrialde horietako edukiaren erantzule, ez orriokin zerikusia duen beste ezeren erantzule.

Biscay ESG Global Summit-ek ez du erantzukizunik bere gain hartzen nabigatzaileen bertsio eguneratu gabeak erabiltzeagatik sor litezkeen kalteengatik, edo nabigatzaileak txarto funtzionatzeagatik jasan litezkeen ondorioengatik, dela konfigurazio ezegokiagatik, dela birus informatikoengatik, dela Biscay ESG Global Summit-en borondateaz besteko beste edozein arrazoigatik.

Biscay ESG Global Summit-ek debekatu egiten du webgune honen eduki guztia nahiz zati bat erreproduzitzea Biscay ESG Global Summit-en baimen espresik gabe.

Lege aplikagarria eta jurisdikzioa

Legezko ohar hau Espainiako legeak arautzen du alderdi guzti-guztietan, eta, webgune honen erabileratik eratortzen den edo erabilera honekin zerikusia duen edozein gatazka ebazteko, Bilboko epaitegi eta auzitegiak dira eskumendunak.

Informazio gehiago

Newsletter